Бир ҳафтадан кейин бошланадиган Лондон олимпиадаси очилиш маросимида Россия делегациясини олға бошлаб борадиган спорчти борасидаги хабарларга ниҳоят чек қўйилди.
Россиялик таниқли теннис юлдузи, "катта шлем" туркумидаги барча мусобақалар ғолибаси, Мария Шарапова бу номга лойиқ кўрилди.
Аслида Шарапованинг очилиш маросимида байроқни кўтариб ўтиши ҳақидаги масала анча олдин ҳал бўлган эди. Аммо Россия спорт вазирлигида бу борада катта баҳслар бўлиб ўтаётганди. Кўпгина фахрий спортчилар бу қарорга қарши чиқишган эди.
Аммо куни кеча, Россия спорт вазирлиги баёнотида Шарапова номзоди қолдирилганлиги ҳақидаги хабар чиқди.
Сўнгги "Ролан Гаррос" ғолибаси алақачон ўз терма жамоаси билан Лоднонга ташриф буюрган ва очилиш маросимига тайёргарчиликни бошлаб юборган.
