Британиянинг бир қатор етакчи нашрларининг маълум қилишича, Лондоннинг "Арсенал" клуби ҳужумчиси Робин Ван Перси Лондонни тарк этиб, Англиянинг бошқа бир гранди - "Манчестер Юнайтед" сафига ўтишга рози бўлган.
Жумладан Daily Mail нашри журналистларидан бири, "МЮ" устози сэр Алекс Фергюссон голландиялик ҳужумчи билан суҳбат қурганлиги ва уни Манчестерга кўчиб ўтишига кўндиргани ҳақида хабар тарқатган.
Эслатиб ўтамиз, голландиялик 28 ёшли ҳужумчи учун айни пайтда фақат учтагина жамоа расмий таклиф билан "Арсенал"га мурожаат қилишган. Булар Туриннинг "Ювентус" ҳамда Манчестер шахрининг икки гранди "МЮ" ва Сити"лар. Ҳар уччала клуб ҳам Ван Персининг трансфери учун 15 миллион евро тўлашга рози бўлиб туришибди.