Coca-Cola Суперлигасининг 24-туридан ўрин олган "Олимпик" — "Металлург" (2:1) учрашувидан сўнг меҳмонлар бош мураббийи Луисма Эрнандес матбуот анжуманида иштирок этди.

— Ўйин ҳақида
— Бугун мавсумдаги энг қийин ўйинларимиздан бирини ўтказдик. "Олимпик" қандай ўйнашини таҳлил қилгандик. Биринчи бўлимда хотиржамликка интилдик. Пенальти бўлган вазиятда гол урган футболчи чизиқдан 2 метр ичкарига кириб кетганди. Бунинг учун албатта ҳакамга ўз миннатдорчилигимизни билдирамиз.

"Олимпик" жамоасини ғалаба билан табриклаймиз. Жуда яхши жамоа, терма жамоалар учун зарур футболчиларни тайёрлаб бормоқда. Уларга ҳамиша омад ёр бўлсин.

Кейинги турларда ҳам ўйинлар VARсиз ўтса, Суперлига даражасига таъсир кўрсатмасдан қолмайди.

Ва яна жамоамиз футболчиларини олқишлайман. Бир киши кам бўлиб қолганликларига қарамай ҳисобни тенглаштириш учун астойдил интилишди.

— Аброр Тошқўзиев агрессив ўйнади. Биринчи бўлимдан сўнг уни алмаштириш варианти кўриб чиқилмадими?
— Аброр Тошқўзиев агрессив ўйнади деб айта олмайман. У аксинча шиддаткор футбол намойиш этди. Бу каби холатлар икки жамоада ҳам кузатилди.

Икки жамоани ҳам ҳурмат қилишларини ҳоҳлардим. Охирги холатдаги ўйин қоидаси бузилиши назаримда сариқ эмас, балки қизил карточкага тортарди.