Coca-Cola Superligasining 24-turidan o‘rin olgan "Olimpik" — "Metallurg" (2:1) uchrashuvidan so‘ng mehmonlar bosh murabbiyi Luisma Ernandes matbuot anjumanida ishtirok etdi.

— O‘yin haqida
— Bugun mavsumdagi eng qiyin o‘yinlarimizdan birini o‘tkazdik. "Olimpik" qanday o‘ynashini tahlil qilgandik. Birinchi bo‘limda xotirjamlikka intildik. Penalti bo‘lgan vaziyatda gol urgan futbolchi chiziqdan 2 metr ichkariga kirib ketgandi. Buning uchun albatta hakamga o‘z minnatdorchiligimizni bildiramiz.

"Olimpik" jamoasini g‘alaba bilan tabriklaymiz. Juda yaxshi jamoa, terma jamoalar uchun zarur futbolchilarni tayyorlab bormoqda. Ularga hamisha omad yor bo‘lsin.

Keyingi turlarda ham o‘yinlar VARsiz o‘tsa, Superliga darajasiga ta’sir ko‘rsatmasdan qolmaydi.

Va yana jamoamiz futbolchilarini olqishlayman. Bir kishi kam bo‘lib qolganliklariga qaramay hisobni tenglashtirish uchun astoydil intilishdi.

— Abror Toshqo‘ziyev agressiv o‘ynadi. Birinchi bo‘limdan so‘ng uni almashtirish varianti ko‘rib chiqilmadimi?
— Abror Toshqo‘ziyev agressiv o‘ynadi deb ayta olmayman. U aksincha shiddatkor futbol namoyish etdi. Bu kabi xolatlar ikki jamoada ham kuzatildi.

Ikki jamoani ham hurmat qilishlarini hohlardim. Oxirgi xolatdagi o‘yin qoidasi buzilishi nazarimda sariq emas, balki qizil kartochkaga tortardi.