Италиянинг "Милан" клуби Златан Иброхимович ва Тияго Сильванинг "ПСЖ"га трансфер қилинганидан норози бўлган ва клуб офиси олдида тўполон уюштираётган клуб фанатларига бир йиллик абонемент пулларини қайтариб беришга рози бўлган.
Бугун кундузи анъанавий Trofeo TIM пайтида "Милан" фанатлари клуб олиб бораётган сиёсатга норозилик белгиси сифатида намойиш ўтказишди.
Улар мавсум бошида сотиб олинган абонемент пулларини клубнинг етакчи футболчилари сотилиб кетганликлари учун қайтариб беришларини ва зудлик билан жамоага янги футболчиларни сотиб олишни талаб қилишган.
Клуб расмий сайтида чиққан хабарларда, "Милан" раҳбарияти исталган фанатга мавсумий абонементлар пулини қайтариб беришга тайёр эканлиги айтиб ўтилган.