Италия терма жамоаси ва Франциянинг "ПСЖ" клуби дарвозабони Жанлуижи Доннарумма ватанига қайтиши мумкин.
Goal.com портали хабарига кўра, А Сериянинг топ-клубларидан бири дарвозабонни ўз сафида кўрмоқчи. Гап Туриннинг “Ювентус” жамоаси ҳақида кетмоқда.
"Кекса синьора" Доннаруммага Парижга ўтишидан олдин ҳам қизиқиш билдирган ва ҳозир дарвозабонни қўлга киритиш учун яна бир уриниб кўрмоқчи.
Жанлуиджининг "ПСЖ" билан шартномаси 2026 йилнинг ўрталарига қадар амал қилади. Transfermarkt хабарига кўра, у 50 миллион еврога баҳоланган.
Лига 1нинг жорий мавсумида дарвозабон 13 та ўйин ўтказиб, 8 та гол ўтказиб юборди.
