Килиан Мбаппенинг "Ювентус" дарвозасига урган голи Чемпионлар лигасида ҳафтанинг энг яхшиси деб тан олинди.
"ПСЖ" ҳужумчиси "Ювентус"га қарши баҳсда (2:1) ҳисобни очди. Лионель Мессидан тўпни қабул қилиб олган Мбаппе “Ювентус”нинг икки ҳимоячисини ортда қолдирди ва 21 метрдан пастки ўнг бурчакка аниқ зарба берди.
Шунингдек, Чемпионлар лигасида ҳафтанинг энг яхши голи унвони учун "Бенфика" ярим ҳимоячиси Жоау Мариунинг "Маккаби"га (6:1), "Бавария" ҳужумчиси Эрик-Максим Чоупо-Мотинганинг "Интер" билан ўйинда (2:0) ва "Селтик" ярим ҳимоячиси Жота Невеснинг "Реал"га қарши (1:5) ўйинда киритган голлари ҳам бор эди.
