Суперлига 24-туридан ўрин олган “Локомотив” – “Навбаҳор” (0:2) ўйинидан сўнг мезбон жамоа бош мураббийи Денис Коростиченко ўйин натижасини иккита вазият ҳал қилганини ва Мирко Еличич жамоани тайёрлашда унга катта ёрдам бераётганини айтди.

“Бугунги натижадан қатъий назар “Локомотив” мухлисларига раҳмат айтмоқчиман. Қийин аҳволда эканимизга қарамай, охиригача ишониб бизни қўллаб-қувватлашаяпти. “Навбаҳор” мухлисларини эса ғалаба билан табриклайман. Улар бундан ҳам ортиғига лойиқлар. Қолаверса, улар футболни ҳам яхши тушунишади. Биринчи даврадаги ўйинимиздан кейин бизни қарсаклар билан кузатиб қўйишган эди. “Олимпик”ни ҳам шундай кузатишган эди”, - дейди мураббий.

“Умуман, “Навбаҳор”ни ғалаба билан табриклайман. Ўйинга келсак, иккита вазият ва иккита гол – натижа ҳал”.

“Шу ўринда, Мирко Еличичга миннатдорчилик билдирмоқчиман. У менга жамоани ўзгартиришда жуда катта ёрдам бермоқда, буни ўзингиз ҳам кўриб турибсиз. Жамоа ўз ўйинини ўзгартирди, аммо ҳали бери бизга омад келмаяпти. Еличич кучли мутахассис, унга раҳмат”.