"Интер" ярим ҳимоячиси Робин Гозенс қишки трансфер ойнасида Германияга қайтиши мумкин, дея хабар беради Kicker.
28 ёшли футболчига ёздан бери қизиқиш билдираётган "Байер"дан ташқари, "Боруссия Мёнхенгладбах" ва "Айнтрахт" ҳам қизиқиш билдирмоқда. Учала клуб ҳам "Интер"га кейинчалик сотиб олиш имкониятини кўзда тутувчи ижара вариантини таклиф қилиши мумкин.
Жорий мавсумда Гозенс “нерадзуррилар” сафида барча мусобақаларда 15 та ўйин ўтказди ва бор-йўғи тўрт марта асосий таркибда майдонга тушди. 28 ёшли германиялик футболчи битта гол урди.
Transfermarkt хабарига кўра, ярим ҳимоячининг трансфер нархи 22 миллион еврони ташкил қилади.
