"Inter" yarim himoyachisi Robin Gozens qishki transfer oynasida Germaniyaga qaytishi mumkin, deya xabar beradi Kicker.
28 yoshli futbolchiga yozdan beri qiziqish bildirayotgan "Bayer"dan tashqari, "Borussiya Myonxengladbax" va "Ayntraxt" ham qiziqish bildirmoqda. Uchala klub ham "Inter"ga keyinchalik sotib olish imkoniyatini ko‘zda tutuvchi ijara variantini taklif qilishi mumkin.
Joriy mavsumda Gozens “neradzurrilar” safida barcha musobaqalarda 15 ta o‘yin o‘tkazdi va bor-yo‘g‘i to‘rt marta asosiy tarkibda maydonga tushdi. 28 yoshli germaniyalik futbolchi bitta gol urdi.
Transfermarkt xabariga ko‘ra, yarim himoyachining transfer narxi 22 million yevroni tashkil qiladi.
