"Сампдория" ярим ҳимоячиси Гарри Уинкс жарроҳлик амалиётига муҳтож бўлиши мумкин, дея хабар беради Football Italia.
Ёз охирида Италия клуби “Тоттенхэм”дан ярим ҳимоячини ижарага олди. Аммо англиялик футболчи тўпиғидан жароҳат олди ва ҳалигача А Серия клубида дебют қилмаган.
Агар Уинкс операция қилинса, у тахминан 3-4 ойни ўтказиб юборади. 26 ёшли ярим ҳимоячи кейинги ҳафта мутахассис билан маслаҳатлашганидан сўнг якуний қарорни қабул қилади.
Англиялик ярим ҳимоячи “Тоттенхэм” тарбияланувчиси ҳисобланади. Унинг "шпорлар" билан шартномаси 2024 йилнинг ёзига қадар мўлжалланган.
