"Ливерпуль" бош мураббийи Юрген Клопп ярим ҳимоячи Жеймс Милнер АПЛнинг 14-турида "Тоттенхэм"га қарши ўйнамаслигини айтди. Англиялик футболчи Чемпионлар лигаси гуруҳ босқичидан ўрин олган "Наполи"га қарши ўйинда (2:0) жароҳат олган.
“Милнер таркибда эмас, чунки у мия чайқалиши учун текширилмоқда. Агар ташзис яхши ўтса, сешанба куни Жеймс тўлиқ машғулотларга тайёр бўлади", - деди Клопп матбуот анжуманида.
36 ёшли ярим ҳимоячи 2015 йилдан буён "Ливерпул"да ўйнаб келмоқда. Ярим ҳимоячи жорий мавсумда 18 та ўйинда майдонга тушди ва барча мусобақаларда битта голли узатмани амалга оширди.