Иорданиянинг Амман шаҳрида бошланган бокс бўйича Осиё чемпионатида бугун учинчи кун жанглари ўтказилмоқда. Дастур доирасида 5 нафар спортчимизнинг рингга кўтарилиши режалаштирилган бўлиб, улардан 3 нафари ўз жангларини ўтказишди.

51 кг. вазнда юртимиз шарафини ҳимоя қилаётган Ҳасанбой Дўсматов таиландлик Панмот Титисанга қарши жанг олиб бориб, ишончли ғалабани қўлга киритди — 5:0.

Икки нафар ҳамюртимиз эса, афсуски, имкониятни бой бериб қўйишди. -71 кг вазнли боксчимиз Ҳавасбек Асадуллаев илк босқичда мўғулистонлик Бямба-Ердене Отгонбаатарга қарши рингга кўтарилди 2:3 ҳисобида ютқазди. Асадуллаев учун мазкур жанг Осиё чемпионатидаги дебют эди.

Шунингдек, 48 кг вазнли Асилбек Жалилов илк жангини қозоғистонлик Санжар Ташкенбайга қарши ўтказди ва мағлубиятга учради — 0:5. Шу тариқа, мусобақадаги Ўзбекистон - Қозоғистон тўқнашувида ҳисоб тенглашди.