Эрлинг Холанд ва Кевин Де Брюйне PFA Vertu Motors мухлислар талқини бўйича октябрь ойининг энг яхши футболчиси мукофотига номзодлар рўйхатига кирди.
Қисқа рўйхат бугун эълон қилинди ва "шаҳарликлар"нинг ушбу жуфтлигидан ташқари "Ньюкасл Юнайтед" дуети — Бруно Гимарайш ва Мигель Алмирон, "Брайтон"дан Леандро Троссард ва "Арсенал"дан Гранит Жака ҳам бу борада кураш олиб боради.
Холанд август ва сентябрь ойларида бу бўйича ғалаба қозонган ҳолда, қисқа рўйхатда кетма-кет учинчи марта иштирок этмоқда.
Октябрь ойида у яна ажойиб формада бўлиб, тўртта ўйинда олтита гол урди, шу жумладан Манчестер дербисида хет-трик қайд этди.
