Sky Sports хабарига кўра, "Лестер" ярим ҳимоячи Юри Тилемансга шартномани узайтиришни таклиф қилишга тайёр.
Манба берган хабарга кўра, клуб бу қадамни қўйишга қарор қилган, чунки 25 ёшли футболчи "тулкилар" билан шартномасининг сўнгги йилини якунлаш арафасида ва келаси ёзда текинга кетиши мумкин.
Олдинроқ, Тилемансни қўлга киритиш учун курашда Лондоннинг "Арсенал" клуби етакчилик қилаётгани хабар қилинганди. Бельгиялик футболчини сотиб олишга "Манчестер Юнайтед", "Ливерпуль", "Барселона" ва "Реал" ҳам қизиқиш билдирмоқда.
Тилеманс жорий мавсумда Премьер-лигада 13 та ўйинда майдонга тушиб, 2 та гол урди ва битта голли узатмани амалга оширди.
Transfermarkt портали футболчининг нархини 40 миллион еврога баҳоламоқда.
