Sky Sports xabariga ko‘ra, "Lester" yarim himoyachi Yuri Tilemansga shartnomani uzaytirishni taklif qilishga tayyor.

Manba bergan xabarga ko‘ra, klub bu qadamni qo‘yishga qaror qilgan, chunki 25 yoshli futbolchi "tulkilar" bilan shartnomasining so‘nggi yilini yakunlash arafasida va kelasi yozda tekinga ketishi mumkin.

Oldinroq, Tilemansni qo‘lga kiritish uchun kurashda Londonning "Arsenal" klubi yetakchilik qilayotgani xabar qilingandi. Belgiyalik futbolchini sotib olishga "Manchester Yunayted", "Liverpul", "Barselona" va "Real" ham qiziqish bildirmoqda.

Tilemans joriy mavsumda Premyer-ligada 13 ta o‘yinda maydonga tushib, 2 ta gol urdi va bitta golli uzatmani amalga oshirdi.

Transfermarkt portali futbolchining narxini 40 million yevroga baholamoqda.