Лондон клуби матбуот хизмати хабарига кўра, "Челси" ва Англия терма жамоаси ҳимоячиси Бен Чилуэлл жароҳати сабаб Қатарда бўлиб ўтадиган ЖЧ-2022ни ўтказиб юборади.
“Футболчининг сонини сканердан ўтказди. Натижалар шуни кўрсатадики, Чилуэлл жиддий жароҳат олган ва афсуски, ҳимоячи жаҳон чемпионатини ўтказиб юбориши кутилмоқда.
Энди Бен клубнинг тиббиёт бўлимида реабилитация дастурини бошлайди", - дейилади клуб баёнотида.
Аввалроқ Чилуэллга иккинчи даражали сон пайлари ёрилиши ташхиси қўйилгани хабар қилинганди. Тахминларга кўра, 25 ёшли ҳимоячининг тикланиши февралгача давом этади.
