Ҳимоячи Жерар Пике "Барселона"да энг кўп ғалаба қозонган беш футболчидан бири.
35 ёшли ҳимоячи Ла Лиганинг 13-туридан ўрин олган "Альмерия"га (2:0) қарши ўйинда 85 дақиқани майдонда ўтказди. Бу испаниялик футболчи фаолиятини якунлагани сабабли унинг "Камп Ноу"даги сўнгги ўйини бўлди.
"Барселона" билан Пике 423 та ғалабага эришди, бу клуб тарихидаги бешинчи натижа. Фақат Андрес Иньеста (459), Хави (476), Серхи Бускетс (482) ва Лионель Мессида (542) кўпроқ.