Ҳуқуқлари "Интер"га тегишли бўлган голландиялик Дензел Дюмфрис фаолиятини Англия Премьер-лигасида давом эттириши мумкин.
Calciomercatoweb хабарига кўра, унинг хизматларига "Тоттенхэм" қизиқиш билдирмоқда.
Ҳимоячининг таклифига “шпорлар” устози Антонио Конте қизиқиш билдирган. 40 миллион еврога баҳоланган келишув январь ойидаги трансфер ойнасида якунланиши мумкин.
Дюмфрис жорий мавсумда “нерадзуррилар” сафида 17 та ўйинда майдонга тушиб, 2 та гол ва 2 та голли узатмани амалга оширди. 26 ёшли футболчининг "Интер" билан шартномаси 2025 йилнинг ёзига қадар мўлжалланган.
