"Барселона" "Лестер" ярим ҳимоячиси Юри Тилемансни сотиб олиш вариантини кўриб чиқмоқда. Испаниялик журналист Хосеп Сольдадонинг хабар беришича, каталонияликлар бош мураббийи Хави футболчининг трансферига қизиқмоқда.
25 ёшли футболчининг “тулкилар” билан шартномаси 2023 йилда тугайди ва у кейинги ёзда текинга кетиши мумкин.
Аввалроқ бельгиялик футболчига "Арсенал", "Манчестер Юнайтед", "Ливерпуль" ва "Реал" клублари ҳам қизиқиш билдираётгани ҳақида хабар берилганди.
Ярим ҳимоячи жорий мавсумда 15 та ўйинда майдонга тушиб, барча мусобақаларда 3 та гол урди ва битта голли узатмани амалга оширди.
Transfermarkt портали маълумотларига кўра, футболчининг нархи 40 миллион еврога баҳоланмоқда.
