"Barselona" "Lester" yarim himoyachisi Yuri Tilemansni sotib olish variantini ko‘rib chiqmoqda. Ispaniyalik jurnalist Xosep Soldadoning xabar berishicha, kataloniyaliklar bosh murabbiyi Xavi futbolchining transferiga qiziqmoqda.

25 yoshli futbolchining “tulkilar” bilan shartnomasi 2023 yilda tugaydi va u keyingi yozda tekinga ketishi mumkin.

Avvalroq belgiyalik futbolchiga "Arsenal", "Manchester Yunayted", "Liverpul" va "Real" klublari ham qiziqish bildirayotgani haqida xabar berilgandi.

Yarim himoyachi joriy mavsumda 15 ta o‘yinda maydonga tushib, barcha musobaqalarda 3 ta gol urdi va bitta golli uzatmani amalga oshirdi.

Transfermarkt portali ma’lumotlariga ko‘ra, futbolchining narxi 40 million yevroga baholanmoqda.