Бир неча йиллар давомида "Сўғдиёна"нинг муваффақиятли юришларида катта жонбозлик кўрсатиб келган мураббий Улуғбек Бақоев жамоани тарк этди.
Улуғбек Бақоев жиззахликларни 2019 йилнинг апрель ойида қабул қилиб олган эди. Жамоа шу йилнинг ўзида 4-ўринни олишга муваффақ бўлган эди.
2020 йилги мавсумда 6-ўринни қўлга киритилди.
Улуғбек Бақоев бошчилигидаги "Сўғдиёна" 2021 йил ўзининг энг яхши натижасини кўрсатиб, Суперлигада тарихий кумуш медаллар соҳибига айланди.
Тарих янгиланди.
2022 йилда Бақоев бошчилигидаги "бўрилар" ОФК кубоги ҳамда Ўзбекистон кубоги ярим финалида кубог бахсларини якунлади. Ҳар иккала ярим финалларда пенальтилар сериясида имконият бой берилди.
Клуб рахбарияти Улуғбек Бақоев ҳамда мураббийлар штабига жамоанинг муваффақиятли юришларида катта жонбозлик кўрсатганлиги учун ўз миннатдорчилигини билдирди.
