Bir necha yillar davomida "So‘g‘diyona"ning muvaffaqiyatli yurishlarida katta jonbozlik ko‘rsatib kelgan murabbiy Ulug‘bek Baqoyev jamoani tark etdi.

Ulug‘bek Baqoyev jizzaxliklarni 2019 yilning aprel oyida qabul qilib olgan edi. Jamoa shu yilning o‘zida 4-o‘rinni olishga muvaffaq bo‘lgan edi.
2020 yilgi mavsumda 6-o‘rinni qo‘lga kiritildi.

Ulug‘bek Baqoyev boshchiligidagi "So‘g‘diyona" 2021 yil o‘zining eng yaxshi natijasini ko‘rsatib, Superligada tarixiy kumush medallar sohibiga aylandi.

Tarix yangilandi.
2022 yilda Baqoyev boshchiligidagi "bo‘rilar" OFK kubogi hamda O‘zbekiston kubogi yarim finalida kubog baxslarini yakunladi. Har ikkala yarim finallarda penaltilar seriyasida imkoniyat boy berildi.

Klub raxbariyati Ulug‘bek Baqoyev hamda murabbiylar shtabiga jamoaning muvaffaqiyatli yurishlarida katta jonbozlik ko‘rsatganligi uchun o‘z minnatdorchiligini bildirdi.