"Астон Вилла" раҳбарияти январь ойидаги трансфер бозорида янги бош мураббийи Унаи Эмерини қўллаб-қувватлайди.
"Астон Вилла" АПЛга қайтганидан сўнг, клуб раҳбарияти трансферлар учун 414 миллион фунт стерлинг сарфлади.
Январь ойида эса Бирмингем клубининг таркибга киритган сармояси ярим миллиард фунт стерлингга етиши мумкин. Чунки, Эмери керакли футболчиларни таклиф қилиш учун пулга эга бўлади, деб ёзмоқда Daily Mail.
Қиш мавсумида "Астон Вилла"нинг энг муҳим вазифаларидан бири бу қанот ҳужумчисини сотиб олиш. Эмери қизиқиши мумкин бўлган футболчилар орасида "Уотфорд" футболчиси Исмоила Сарр, шунингдек, Унаининг собиқ клуби - "Вильярреал" футболчилари Арно Данжума ва Николас Жексон бор.
Ўтган ёзда бирмингемликлар Саррга қизиқиш билдиришган, бироқ ўшанда Эмеридан олдинги Стивен Жеррард уни сотиб олишга тўсқинлик қилганди.
