Бугун "Навбаҳор" навбатдаги ўртоқлик учрашувини "Динамо" билан ўтказди.

Учрашувдан олдин "Навбаҳор" таркибига Денис Романенко қайтиб келди. Бу албатта мухлисларни ҳаминқадар тинчлантириши бор гап. Шунингдек, Беларусдан ярим ҳимоячи Виталий Панасюк ҳам йиғинга қўшилди. Риндюк ҳам шу кунларда сафга қўшилиши керак.

"Динамо" билан ўтган учрашувда самарқандликлар "лочинлар"ни янчиб ташлади, 3:0. Ушбу учрашувда "Навбаҳор"дан "Динамо"га ўтган Виталий Почуев ва Илҳом Бойдедаевлар ажойиб ўйин кўрсатишганини айтиш керак. "Навбаҳор"га келиши кутилган Раҳматулло Бердимуродов ҳам "Динамо"дан қўним топди. Ҳимоячи бугунги учрашувда "арслонлар" сафида ҳаракат қилди.

Шундай қилиб, "Навбаҳор" ҳозиргача 4 та назорат учрашуви ўтказиб, шундан 1 тасида ғалаба қозонди, холос ("Бухоро" билан, 1:0). Қолган учрашувларда "Бухоро"га 1:2, "Локо"га 1:3 ва "Динамо"га 0:3 ҳисобида мағлуб бўлинди.

Ҳозирги таркибимиз билан бу кетишда ҳеч нарсага эришиб бўлмайди. Маҳаллий футболчиларга ишонч билдириш керак, лекин тез фикрлаб эмас. Тошкентдаги йиғин 27 июлгача давом этади.