Лондоннинг "Тоттенҳэм" клуби 26 ёшли ярим ҳимоячи Лука Модрични АҚШ бўйлаб турнега сафардан бош торгани учун жаримага тортадиган бўлди.
"Тоттенҳэм" раҳбарияти хорватиялик футболчининг ўзбошимчалигидан ғазабга келган ва уни икки ҳафталик маоши билан жаримага тортган, яъни 80 минг фунт стерлингга.
Футболчи аввалига жамоа машғулотларида қатнашишни истамаган, кеча эса жамоа билан АҚШ сафарига чиқишдан бош тортган.
Модрич шундай йўл тутиб, клуб уни тезроқ Мадриднинг "Реал"ига сотишини талаб қилмоқда. Аммо, ушбу трансфер, "Тоттенҳэм"нинг кўпроқ пул талаб қилаётгани учун тўхтаб турибди. Ўз навбатида мадридликлар ҳам Модричнинг трансфери учун 27 миллион фунтдан кўп бермасликларини таъкидламоқда.
