Аргентина терма жамоаси собиқ бош мураббийи Диего Марадонанинг фикрича "Барселона" ҳужумчиси Лионель Месси "Реал" ҳужумчиси Криштиану Роналдудан кучлироқ экан, дея хабар беради испан матбуоти.
Афсонавий аргентиналик португалиялик футболчи номига танқидий гаплар айтди.
"Балки, Роналду кучли зарбага эгадир. Аммо гап бунда эмас, Мессининг дарвозага узоқдан зарба бериши шарт эмас. У тўп билан у ерга кириб кетади. Мен ҳеч қачон Месси ҳақида ёмон фикрга бормайман, чунки уни яхши биламан. У гол урганда қичқирмайди.
Роналду бўлса, гол ургандан сўнг худди қандайдир шампунни реклама қилгандай тўхтаб олади.
Биз Месси иккимиз ҳам Аргентиналикмиз ва икковимиз ҳам ажойибмиз", - дейди Марадона.
