Фабрицио Романонинг сўзларига кўра, "Брайтон" январь ойидаги трансфер ойнасида марказий ҳимоячини сотиб олишга эътибор қаратади.
Аввалроқ, "Брайтон"нинг скаутлари сўнгги ўйинларда "Шахтёр" ҳимоячиси Микола Матвиенкони кўздан кечиргани ҳақида хабарлар тарқалган эди.
The Athletic журналисти Девид Орнштейннинг таъкидлашича, Де Зерби Матвиенконинг январь ойидаёқ сотиб олинишидан манфаатдор.
Агар "Брайтон" ушбу шартномани имзолаш зарурлигини тасдиқласа, клуб "Шахтёр" билан музокараларга киришади.
Қайд этилишича, бу кўпроқ италиялик мураббийнинг ташаббусига ўхшайди.
Келишув суммаси 20 миллион еврога баҳоланмоқда.
