Ўзбекистон Суперлигасининг 25-туридан ўрин олган баҳсда "Навбаҳор" Бекободда “Металлург” меҳмони бўлади.

Миллий чемпионатларимиз тарихида ушбу жамоалар шу кунгача жами 51 марта бир-бирларига рўбарў келишган.

Устунлик “Навбаҳор” томонида – 22 та ғалаба. Бекободликлар 13 та ўйинда зафар қучишган бўлса, 16 та учрашувда дуранг натижа қайд этилган.

Тўплар нисбатидаги устунлик “лочинлар” томонида: 72-51.

Наманганликлар ўзаро ўйинларда 82, бекободликлар эса эса 55 очкони қўлга киритишган.

“Навбаҳор”нинг “Металлург” устидан қозонган энг йирик ғалабаси 7:0 га тенг бўлса, бекободликларнинг наманганликлар устидан эришган энг йирик ғалабаси – 5:1.

Мазкур клубларнинг шу кунга қадар Бекободда ўтказилган 25 та ўйиннинг 12 тасида “маъданчилар” ғалаба қозонишган, 9 та баҳсда дуранг қайд этилган,

4 та баҳсда эса “лочинлар” зафар қучишган.

“Металлург” ўз майдонидаги ўйинларда “Навбаҳор” дарвозасига 39 та гол уриб, ўз дарвозасидан 24 та тўп ўтказиб юборган.

Эслатиб ўтамиз, “Металлург” – “Навбаҳор” учрашуви бугун Бекободдаги “Металлург” стадионида соат 18:30 да старт олади.