Ральф Хазенхюттль "Саутгемптон" бош мураббийи лавозимидаги фаолиятини якунлади.
55 ёшли мутахассис билан ҳамкорлик тўхтатилгани ҳақида "авлиёлар"нинг расмий сайти хабар бермоқда. Австриялик мутахассис жамоанинг ёмон натижалари туфайли ишдан бўшатилди. 14 та ўйин натижасига кўра, “Саутгемптон” 12 очко тўплади ва АПЛ турнир жадвалида 18-поғонада бормоқда.
Ральф Хазенхюттль 2018 йилнинг декабр ойидан бери жамоани бошқариб келаётганди. Австриялик мураббий штабида ишлаган Рубен Селлеш "Саутгемптон" бош мураббийи вазифасини бажарувчи этиб тайинланди.
9 ноябрь куни Англия лига кубоги доирасида “Саутгемптон” “Шеффилд Уэнсдей”ни қабул қилади, 12 ноябрь куни эса АПЛ доирасида “Ливерпуль” меҳмони бўлади.
