Бразилиянинг "Васку да Гама" клуби ўтган йилнинг октябр ойида ФИФА томонидан ҳар қандай турдаги трансферларни амалга оширишдан маҳрум этилганига қарамай, футболчиларни трансферга қўймоқда, дея хабар бермоқда Германиянинг Bilde нашри.
Бир йил олдин ФИФА ички тартиб қоидаларини бузгани учун ФИФА томонидан жазоланган Бразилия клуби, бу таъқиқларга қарамай, ўз футболчиларини европага трансфер қилишда давом этмоқда.
Куни кеча "Васку да Гама" 4 миллион евро эвазига ўз ҳимоячиси Вагнерни Германиянинг "Вольфсбург" клубига сотиб юборди.
Бундан бир неча ҳафта олдин "Васку" ярим ҳимоячи Ромулони Москванинг "Спартак" клубига трансфер қилганди. Аммо, москваликлар бу футболчини ҳамон премьер-лига баҳсларига заявка қила олмаяпти. Шунинг учун ҳам "Спартак" шу кунларда ФИФАга футболчини рўйхатдан ўтказишни сўраб мурожаат қилмоқчи.
Айни дамда, ФИФА тартиб-интизом қўмитаси, Бразилия клубини яна жаримага тортиши мумкин.
