"Интер" спорт директори Беппе Маротта ҳимоячи Милан Шкриньяр билан шартномани узайтириш бўйича музокаралар қандай кетаётганини айтди.
“Биз келишувни якунламоқчимиз, бироқ вақт ҳақида ишончим комил эмас. Ўйлайманки, биз бу ҳафта унинг агенти билан учрашамиз. Шкриньяр "Интер" билан чамбарчас боғлиқ, бу бизнинг музокараларимизда ҳал қилувчи роль ўйнайди деб умид қиламан", - дея Мароттанинг сўзларини келтиради Calciomercato.
Шкриньяр 2017 йилнинг июлидан буён "Интер" сафида тўп сурмоқда, жорий мавсумда у жамоа сафида 18 та ўйинда қатнашиб, гол ура олмаган.
Transfermarkt.com сайтида Шкриньяр 65 миллион еврога баҳоланган. 27 ёшли словакияликнинг амалдаги шартномаси 2023 йилнинг июнь ойи охиригача амал қилади.
