"Челси" клубининг собиқ ҳужумчиси Дидье Дрогба Хитойдаги илк расмий учрашувидан сўнг, журналистларга интервью берар экан, барчасидан кўнгли тўлганини ва бу ерда тўп суриш унга ёққанини айтиб ўтди.
"Мен учрашувда фақат 45 дақиқа давомида ҳаракат қилган бўлсамда, кўнглим тўлди. Бошида ўйинга киришиб кетишим бироз қийин бўлди. Аммо, кейинчалик ўйин ритмига тушиб кетдим.
"Умуман олганда, бу жамоага, бу ерга жуда аллақачон кўникдим. Қолаверса, ёнимда дўстим Анелька ҳам бор", дея ивуарлик футболчининг сўзларидан парча келтирмоқда, Goal.com.
