"Порту"нинг эронлик марказий ҳужумчиси Меҳди Таремига бир вақтнинг ўзида бир нечта Европа топ-клублари қизиқиш билдирмоқда. Бу ҳақда инсайдер Экрем Конур ижтимоий тармоқлар орқали маълум қилди.

Журналистнинг сўзларига кўра, 30 ёшли ҳужумчи учун курашда учта клуб тўқнаш келади: Лондоннинг “Челси” ва “Арсенал”, шунингдек, “Милан”. Таремининг нархи 20 миллион еврога баҳоланмоқда. Унинг "аждарлар" билан амалдаги шартномаси 2024 йилнинг ўрталарига қадар тузилган.

2022/2023 йилги мавсумда Меҳди Португалия клуби сафида 18 та ўйин ўтказиб, 13 та гол ва 7 та голли узатмани амалга оширган.