Саудия Арабистонининг “Ан-Наср” клуби ҳужумчиси Венсан Абубакар “Ливерпуль” ҳужумчиси Муҳаммад Салоҳни яна бир бор танқид қилди.

“У мени ҳайратда қолдирмайди. Мен у қилган ишни қила оламан. Менда шунчаки катта клубда ўйнаш имконияти йўқ. Мен одамларнинг муносабатини тушунаман, Салоҳ Англия Премьер-лигасининг энг яхши тўпурарларидан бири. Бундай футболчи ҳақида гапирсангиз, одамлар сизга жавоб қайтариши аниқ. Аммо, у менинг шахсий фикрим эканлигини айтгандим, менга одамларнинг гапи қизиқ эмас", - деди Абубакар Daily Mail билан суҳбатда.

Абубакар аввалроқ Салоҳ шахсий статистика учун ўйнашини ва Килиан Мбаппе билан бир савияда эмаслигини айтганди.