Saudiya Arabistonining “An-Nasr” klubi hujumchisi Vensan Abubakar “Liverpul” hujumchisi Muhammad Salohni yana bir bor tanqid qildi.
“U meni hayratda qoldirmaydi. Men u qilgan ishni qila olaman. Menda shunchaki katta klubda o‘ynash imkoniyati yo‘q. Men odamlarning munosabatini tushunaman, Saloh Angliya Premyer-ligasining eng yaxshi to‘purarlaridan biri. Bunday futbolchi haqida gapirsangiz, odamlar sizga javob qaytarishi aniq. Ammo, u mening shaxsiy fikrim ekanligini aytgandim, menga odamlarning gapi qiziq emas", - dedi Abubakar Daily Mail bilan suhbatda.
Abubakar avvalroq Saloh shaxsiy statistika uchun o‘ynashini va Kilian Mbappe bilan bir saviyada emasligini aytgandi.
