Бразилия терма жамоаси бош мураббийи Тите Қатарда бўлиб ўтадиган Жаҳон чемпионатида иштирок этиш учун мамлакатнинг асосий жамоаси сафида 3 та ўйин ўтказган "Арсенал" ҳужумчиси Габриэль Мартинеллини нима сабабдан жамоага чақирганига изоҳ берди.

"Бизга Мартинеллининг тажовузкорлиги ёқади. У Англия Премьер-лигасида пешқадамлик қилаётган “Арсенал”нинг энг яхши футболчиларидан бири", — деди Бразилия терма жамоаси устози Mirror билан суҳбатда.

Эслатиб ўтамиз, терма жамоа сафида 55 ўйинда 17 та гол урган “Ливерпуль” ҳужумчиси Роберто Фирмино Бразилиянинг якуний қайдномасидан жой олмади.

Тите Мартинеллидан ташқари қуйидаги ҳужумчиларни ҳам чақирди: Неймар (“ПСЖ”, Франция), Винисиус Жуниор (“Реал”, Испания), Антони (“Манчестер Юнайтед”, Англия), Родриго (“Реал”), Ришарлисон (“Тоттенхэм” (Англия), Рафинья (“Барселона”, Испания), Педро (“Фламенго”), Габриэль Жезус (“Арсенал”, Англия).