Braziliya terma jamoasi bosh murabbiyi Tite Qatarda bo‘lib o‘tadigan Jahon chempionatida ishtirok etish uchun mamlakatning asosiy jamoasi safida 3 ta o‘yin o‘tkazgan "Arsenal" hujumchisi Gabriel Martinellini nima sababdan jamoaga chaqirganiga izoh berdi.

"Bizga Martinellining tajovuzkorligi yoqadi. U Angliya Premyer-ligasida peshqadamlik qilayotgan “Arsenal”ning eng yaxshi futbolchilaridan biri", — dedi Braziliya terma jamoasi ustozi Mirror bilan suhbatda.

Eslatib o‘tamiz, terma jamoa safida 55 o‘yinda 17 ta gol urgan “Liverpul” hujumchisi Roberto Firmino Braziliyaning yakuniy qaydnomasidan joy olmadi.

Tite Martinellidan tashqari quyidagi hujumchilarni ham chaqirdi: Neymar (“PSJ”, Fransiya), Vinisius Junior (“Real”, Ispaniya), Antoni (“Manchester Yunayted”, Angliya), Rodrigo (“Real”), Risharlison (“Tottenxem” (Angliya), Rafinya (“Barselona”, Ispaniya), Pedro (“Flamengo”), Gabriel Jezus (“Arsenal”, Angliya).