Россиянинг ўтмишдаги таниқли яримҳимоячиси, ҳозирда Нижний Новгороднинг "Волга" клуби катта мураббийи Андрей Канчельскис Россия терма жамоасининг янги бош мураббийи Фабио Капелло ҳақида фикр билдирди.
"Капелло - катта мутахассис, унга фақат омад тилайман. У Россия футболида тартиб ўрнатади ва ярамас ва аҳмоқларга футбол нималигини ўргатади.", - дейди Канчельскис "Советский спорт" нашрига.
Канчельскис, шунингдек терма жамоанинг спорт директори бўлиши кутилаётган Оресте Чинквини ҳақида ҳам фикр билдирди.
"Чинквини ўз ишини билади. У премьер-лигамиздаги баъзи ҳаваскор ва дангасалардан яхшироқ".
