“Кристал Пэлас” ҳимоячиси Крис Ричардс ижтимоий тармоқдаги саҳифасида 2022 йилги жаҳон чемпионатида АҚШ терма жамоаси сафида ўйнай олмаслигини маълум қилди.
22 ёшли америкалик футболчи тиззасидан олган жароҳатидан тикланишга улгурмаслигини айтди.
Ричардс ингилиз клубига “Бавария”дан 12 миллион евро эвазига ўтган эди. У Англия чемпионатининг 3та ўйинида майдонга тушди ва шундан сўнг жароҳат олди.
Жаҳон чемпионати 2022 йилнинг 20 ноябридан 18 декабрига қадар Қатарда бўлиб ўтади. АҚШ терма жамоаси ЖЧ-2022 гуруҳ босқичида Англия, Эрон ва Уэльс билан ўйнайди.
