Дубай ҳукумати ва унинг ҳукмрон оиласининг глобал конгломерати ва жамоат фонди бўлган Dubai Holding тизимида бўлган Dubai International Capital компанияси "Ливерпуль" клубини сотиб олиш имкониятини кўриб чиқмоқда, деб хабар бермоқда Mirror нашри.
Манбага кўра, келишув суммаси тахминан 4,9 миллиард еврони ташкил қилиши мумкин. Шунингдек, хабарда айтилишича, кўрсатилган араб компанияси 2007 йилдаёқ "Ливерпул"ни сотиб олишга даъво қилган, бироқ 300 миллион евродан сал кўпроқ таклиф рад этилган.
Эслатиб ўтамиз, аввалроқ Fenway Sports Group компанияси ва "Ливерпуль" хўжайини Жон Генри клубни қанча суммага сотишга тайёрлигини айтган эди. Америкалик тадбиркор 4,6 миллиард евро эвазига жамоа билан хайрлашишга тайёр.
Жон Генри "Ливерпул"ни 2010 йилда сотиб олган. Унинг бошқаруви даврида клуб Чемпионлар Лигаси (2019), Англия Премьер-лигаси (2020), УЕФА Суперкубоги (2019), Англия Кубоги (2022), Англия Суперкубоги (2022), Англия Лигаси кубоги (2012, 2022) соҳиби бўлган.
