Машҳур “Сўйлоқ” Роналдо Бразилия терма жамоаси устози Тите мамлакат футболининг 16 ёшли вундеркинди Эндрикни Қатардаги Жаҳон чемпионати учун терма жамоага таклиф қилиши керак, деб ҳисоблайди.
Роналдонинг ўзи 17 ёшида 1994 йилда АҚШда бўлиб ўтган жаҳон чемпионатига борган, гарчи у ерда бир дақиқа ҳам ўйнамаган бўлса-да.
"Жамоатчилик Габиголнинг йўқлигини муҳокама қилмоқда, аммо бошқа ҳужумчи керак бўлса, Эндрикни олган бўлардим. Бу янги ҳодиса, унинг келажаги буюк. 1994 йилда Парейра мени жаҳон чемпионатига олиб борди. 2002 йилда Сколари Какани олди, Дунга эса 2010 йилда Неймарни олмади, гарчи бутун мамлакат буни ҳоҳлаган бўлса-а ва бу хато эди" - деди Роналдо ESPN билан суҳбатда.
