Карло Анчелотти Карим Бензема ўзини ЖЧ-2022 учун сақлаб қўйган деган тахминларга изоҳ берди.
Эслатиб ўтамиз, ҳужумчи чап оёғининг сон мушакларидаги муаммо туфайли 10 ноябрь куни "Кадис" билан бўладиган учрашувни ўтказиб юборади.
Демак, “Олтин тўп” соҳиби Мадриднинг сўнгги 6 ўйинидан 5 тасини ўтказиб юборади. Франциялик футболчи жаҳон чемпионати бошланишидан олдин ўзини авайламоқчи, деган фикр билдирилди.
"Бу одамларга ҳеч нарса дейишим шарт эмас. Аввало, Каримнинг ўзи ЖЧга энг яхши формада бўлиш учун етарлича дақиқа ўйнамай келмоқда. Мен бунга ишонмайман, бу бемаънилик. Бу жиддий муаммо эмас.
Мени ҳеч нарса ташвишга солмайди, у жамоага ёрдам бера олмайди, лекин у ҳаракат қилди. Ноқулайлик туфайли жамоага қайта олмади, аммо бунинг ҳеч қандай ёмон жойи йўқ”, - деди “Реал” бош мураббийи.
