"Барселона" ҳужумчиси Мемфис Депай клубини ўзгартириши мумкин. Қишда каталонияликлар нидерландиялик футболчини ҳеч бўлмаганда бир оз пулга сотишга ёки ёзда текин қўйиб юборишга умид қилмоқда.
Испаниянинг Sport нашри хабарига кўра, Депай "Манчестер Юнайтед" томонидан диққат билан кузатилмоқда. Ҳужумчи яна "Олд Траффорд"да ўйнаши мумкин, у ерда 2015/2016 ва 2016/2017 йилги мавсумларда ўйнаганди. Иккинчи мавсумнинг ўрталарида Мемфис "қизил иблислар"ни тарк этиб, "Лион"га йўл олганди.
28 ёшли Мемфис Депай transfermarkt портали томонидан 20 миллион еврога баҳоланган.
