Фред Европа лигасида "Барселона" билан бўлажак ўйинлар ҳақида фикр билдирди.
"Биз "Барселона" ажойиб жамоа эканлигини биламиз. Бу осон бўлмайди, Европа Лигасида осон ўйинлар йўқ.
Бу ажойиб ўйин бўлади ва ишонаманки, биз бунга тайёрмиз. Худо хоҳласа кейинги босқичга чиқамиз.
Охирги мавсумларда унчалик яхши ўйин кўрсата олмадик, аммо мухлислар биз билан доим бирга бўлиб, жамоани қўллаб-қувватлашди. Ишончим комилки, улар бизни “Барселона”га қарши ўйинда ҳам қўллаб-қувватлашади. Стадионимизда ажойиб атмосфера мавжуд ва бу бизга куч беради, шунинг учун уйда ғалаба қозониш муҳим”, - деди “Манчестер Юнайтед” ярим ҳимоячиси.
16 февраль куни “Камп Ноу”да Европа лигаси плей-офф босқичидаги “Барселона” ва “Манчестер Юнайтед” ўртасидаги илк учрашув бўлиб ўтади. "Олд Траффорд"даги жавоб учрашуви бир ҳафтадан сўнг бўлиб ўтади.
