Fred Yevropa ligasida "Barselona" bilan bo‘lajak o‘yinlar haqida fikr bildirdi.
"Biz "Barselona" ajoyib jamoa ekanligini bilamiz. Bu oson bo‘lmaydi, Yevropa Ligasida oson o‘yinlar yo‘q.
Bu ajoyib o‘yin bo‘ladi va ishonamanki, biz bunga tayyormiz. Xudo xohlasa keyingi bosqichga chiqamiz.
Oxirgi mavsumlarda unchalik yaxshi o‘yin ko‘rsata olmadik, ammo muxlislar biz bilan doim birga bo‘lib, jamoani qo‘llab-quvvatlashdi. Ishonchim komilki, ular bizni “Barselona”ga qarshi o‘yinda ham qo‘llab-quvvatlashadi. Stadionimizda ajoyib atmosfera mavjud va bu bizga kuch beradi, shuning uchun uyda g‘alaba qozonish muhim”, - dedi “Manchester Yunayted” yarim himoyachisi.
16 fevral kuni “Kamp Nou”da Yevropa ligasi pley-off bosqichidagi “Barselona” va “Manchester Yunayted” o‘rtasidagi ilk uchrashuv bo‘lib o‘tadi. "Old Trafford"dagi javob uchrashuvi bir haftadan so‘ng bo‘lib o‘tadi.
