Мунтазам танқидларга қарамай, марказий ҳимоячи Гарри Магуайр Англия терма жамоасининг жаҳон чемпионатига танланган таркибидан чақирув олди. Шу билан бирга, Фикайо Томори якуний қайдномадан жой олмади. "Уч шерлар" бош мураббийи Гарет Саутгейт ўз танлови ҳақидаги саволга жавоб берди.
"Ёш марказий ҳимоячилар катталарни таркибдан чиқариб юбориш учун етарлича ҳаракат қилишмади, деб ўйлаймиз. Ҳа, бунга ишончим комилки, Магуайр бизнинг энг яхши марказий ҳимоячиларимиздан бири", — деди Саутгейт.
Эслатиб ўтамиз, Англиянинг гуруҳдаги рақиблари АҚШ, Эрон ва Уэльс терма жамоалари бўлади.