Дортмунднинг "Боруссия" клуби бош мураббийи Юрген Клопп фақат ўз жамоасининг иши ва муаммолари билан шуғулланишни маъқул деб билади, дея хабар беради немис матбуоти.
Юрген Клопп бундеслигадаги асосий рақиби Мюнхеннинг "Бавария" клуби ҳақидаги саволга ана шундай руҳда жавоб берди.
"Мавсум оралиғида "Бавария"нинг нима қилаётгани мени мутлақо қизиқтирмайди. Бу мавзу менга тегишли эмас. Албатта улар ўз имкониятлари даражасида таркибини мустаҳкамламоқдалар. Аммо, гап шундаки, ўйинлар тақдирини трансферлар бозори ҳал қилмайди. Бу ҳамма жамоаларга тегишли", - дейди Клопп.
