"Атлетико" ҳимоячиси Хосе Мария Хименес жамоасини ўзгартириши мумкин. Уругвайлик футболчига "Челси", "Ювентус" ва "Рома" клублари қизиқмоқда. Tuttomercatoweb маълумотларига кўра, трансфер нархи 40 миллион еврога баҳоланмоқда.
27 ёшли Хименес 2013 йилнинг апрелидан бери Мадриднинг “Атлетико” клубида тўп суради. Жорий мавсумдаги 14 учрашувда ҳимоячи самарали ҳаракатлари билан ажралиб турмади. Томонлар ўртасидаги келишув 2025 йилнинг ёзида якунига етади.
Аввалроқ Хосе Мария Хименес Уругвай терма жамоасининг Қатарда бўлиб ўтадиган жаҳон чемпионати учун қайдномасига киритилгани маълум бўлганди.













