"Интер" бош мураббийи Симоне Индзаги "Аталанта"га қарши ўйиндан сўнг ҳужумчи Эдин Жекони мақтади.
Эслатиб ўтамиз, Бергамода 36 ёшли Жеко дублга эришганди.
“Ўтган йили биз Ромелу Лукакусиз ҳам ўйнаган эдик. Ўшанда мен клубга чақирган биринчи футболчи Эдин Жеко эди. У ўтган мавсумни жуда яхши ўтказди. Жеко билардики, Лукаку қайтиши билан у камроқ ўйин вақтига эга бўлади, аммо шунга қарамай, 36 ёшида у мунтазам ўйнайди ва фақат яхшиланади", - деди Индзаги Sky Sport нашрига.
2022/2023-йилги мавсумда Эдин Жеко “Интер” сафида 21 та ўйинда майдонга тушиб, 9 та гол урди ва 4 та голли узатмани амалга оширди.
